جايي تفتّش الماضي

أغنية من كلمات التيجاني حاج موسى، ألحان [[]]، وغناء كمال ترباس.

كلمات الأغنية

جايي تفتّش الماضي

خلاص الماضي ولّى زمان

وجفّت مقلتي الباكية

ونامت من سنين أحزان

أرجع بالزمن مرّة

واتذكّر حكايتي معاك

تلاقي القصّة جد مرّة

وهل راعيت شعور مضناك

وكل ما تزيدني في هجرك

أقول ليك زيدني ما أحلاك

لا نفع التشفّع ليك

ولا هجراني يوم همّاك

جيت تترجّى بالدمعات

أسامحك أنسى أغفر ليك

جفّف دمعك الغالي

مسامحك ما عشان عينيك

عشان تتعلّم الغفران

وتصفح لو زمن جار بيك

وحاول لو قدرت كمان

تقدّر رقّة الحابّيك

وعزّة نفسي مابية علي

أسلّم قلبي ليك تاني

سنين الهجر بيناتنا

وحاجات تانية حامياني

ولو رجع الحنين عاود

وليك من تاني ودّاني

ولو مكتوب عليّ أحب

بحب إنسان يكون تاني

وصلات ومراجع

• تسجيل إذاعي