لو أعيش زول ليه قيمة

أغنية من كلمات [[]]، ألحان [[]]، وغناء العميري.

كلمات الأغنية

لو أعيش زول ليه قيمة

أسعد الناس بي وجودي

زي نضارة غصن طيّب

كلّ يوم يخضرّ عودي

وابقى زولاً ليه قيمة

وابقى زولاً ليه قيمة

أبقى دار لي كلّ لاجي

أو حنان جوّة الملاجي

وابقى للأطفال حكاية

حلوة من ضمن الأحاجي

بيها يتهنّوا وينوموا

واحرسم طول ليلي ساجي

والقى في راحة نفوسم

بسمتي وطول ابتهاجي

أشقى والقى

وابقى بهجة

في النفوس

لي كل مناضل

وابقى للمعتل علاجو

وابقى للفلّاح سنابل

وابقى للثوّار سلاحم

أعتى من قصف القنابل

وابقى للكادح الملوّح

كلّ حق موفور وعادل

لو أعيش في عمري نسمة

أو مع الأيّام سحابة

أهطل أدّي الدنيا بسمة

أروي وادي وأسقي غابة

أو أعلّم طفل واعد

لسّة ما عرف الكتابة

أبقى شجرة ظلالا وارفة

تحتي ناس نايمين تعابى

وصلات ومراجع

• تسجيل بصوت العميري
• تسجيل بصوت حنان النيل