الحب الكبير

أغنية من كلمات الحلنقي، ألحان وغناء الثنائي الوطني.

محتويات

غنّت ليك يا بلدي مهيرة

زفّة عيد وزغاريد سيرة

ورشّت أرضك كلّها صندل

وقالت فيك ما خلّت سيرة

يا بلدي

من تبيت في العز متربّي

بين ايديك يا بلدي يا حبّي

كلّ سمح أهلك أسيادو

شال العيد منّك أعيادو

العصفور كان جاكِ مهاجر

ما بتذكّر تاني بلادو

النيلين عشّاق لجمالك

قالوا حبابو صباح آمالك

الأبيض في حضنك نايم

والأزرق سرحان في رمالك

أفدي ترابك أنا بعيوني

صادق والله معاك في وعدي

أفدي عيونك بعيون ولدي

صادق والله معاك في وعدي

إنت أعزّ علي من عمري

غيرك مافي سحابة بتدّي

أهلك أهل الخيل والسيف

إسمك يملا الوادي خريف

التاريخ يشهد يا كرري

يوم بكّيتي عيون الصيد