عيونك كانوا في عيوني
من Sudanese Songs Library
أغنية من كلمات عبد الله النجيب، ألحان [[]]، وغناء عبد المنعم حسيب.
كلمات الأغنية
عيونك
كانوا في عيوني
يصدّوني
وينادوني
أخاف
لو قلتَ حبّوني
واقول
يمكن يحبّوني
ويعزّوني
ويصافوني
أصبّر
بي هواك البال
وازرع
قلبي بالآمال
عشقتك
وانت عندي خيال
مجرّد
حبّي ليك محال
أداريهُ
واخلّيهُ
واخاف
من قلبي يحكيهُ
ظروفنا
تحرّم اللقيا
تعادي
الحب ولو طاهر
يعيش
في خوف من الدنيا
ويكون
مكتوم وما ظاهر
فكيف
إحساس تحسّو الناس
نضيق بيهُ؟
ونعاديهُ؟
وكلّ الكون
يشك فيهُ؟
حبيبي
لأنّك إنت عفيف
رقيق
بتخاف من الأشواك
تعال
نتحدّى حد الخوف
تبوح
بهواي واقول أهواك
نكون
ظاهرين وما خايفين
نعيش ليهُ
ونذوب فيهُ
وْنجاهر
للأنام بيهُ
نحاول
نبرِز الإخلاص
زادنا
البهجة والنشوة
نفتّح
في قلوب الناس
مشاتل
من حنان حلوة
نقول ليهم
نورّيهم
معانيهُ
وأمانيهُ
ونفخر
للجميع بيهُ
