الظروف

أغنية من كلمات [[]]، ألحان [[]]، وغناء حمد الريّح.

كلمات الأغنية

الظروف يا حلوة دايما

لي عيون حلوة بتجيبنا

يا رضت بي ريدنا ليها

ولّا صِبِح الهم حبيبنا

كنّا قبلك يا حليوة

في دروب ما فيها إلفة

لا الصباح زاور دروبنا

لا قليب نلقالو مرفا

ولمّا حنّ الليل علينا

ولي عينيك جابتنا صدفة

ما غريبة علينا شوفتك

زي زمان بيناتنا عرفة

الزمن تاريهُ برضو

بي قساوتو بصفى مرّة

جابني ليك من غير إرادة

وصحّى في أعماقي ذكرى

زي عيون في خيالي ديمة

حسّة ليها بحاول أطرا

في عينيك الليلة تهتَ

وما بهم لو أشقى بكرة

العيون العاجبة سيدا

نحن برضو بنشتهيها

والضفاير الحاضنة ليلنا

شايلة ضي أفراحنا فيها

هاك قليبي وعزّي ريدو

والعيون ما تكسفيها

ولو خطاك بخلت علينا

نحن بي شوقنا بنجيها