الطير الخداري

أغنية من كلمات [[]]، ألحان [[]]، وغناء اللحو.

كلمات الأغنية

قول لي يا طير الخداري

قول لي وحيات حبّنا

وين رسايلك يا حليلا

وين عيونك منّنا

نحن ناس بنعيش حياتنا

الغالية بالنيّة السليمة

كلّ زول دايرين سعادتو

تشهد الأيّام عليمة

يا حلاة كسلا الوريفة

الشاربة من الطيبة ديمة

كم أسر فنّان جمالا

خلّى قلبو عليها غيمة

ساب ديارنا وفاتنا يا طير

مالو ساب أهلو وديارو

والفراق منعول عيونو

قسمة ما كان باختيارو

نمشي لي توتيل نزورا

والجبل نعسان خدارو

حتّى السواقي بكت معانا

شاركت في وداع قطارو

فارق أرض القاش وروّح

خلّى أرض القاش حزينة

وقدر ما حاولنا نكتم

جرحنا ونسكت بكينا

تاني ضحكتو يا حليلا

بتملى بيتنا زهور وزينة

يا حبايب الريد قطارو

أخّروه شويّة لينا

وصلات ومراجع

• تسجيل إذاعي