السنين
من Sudanese Songs Library
أغنية من كلمات وألحان وغناء الطيّب عبد الله.
كلمات الأغنية
قالوا لي أنساه وامسح
من خيالك ذكرياتو
وانسى كلّ الماضي وابعد
عن طريقو وعن حياتو
فات وخلّاك للزمن
وراحت آمالك سدى
كيف تحن من تاني ليه؟
ليه تفكّر في صلاتو؟
السنين
العشت فيها
معاك هنايا
أقوى من قول العواذل
واسمى من كلمة وشاية
لو خلاص
قلبك نسى
الأيّام معايا
برضي راضي
في الغرام
كم من ضحايا
بس تأكّد
يا حبيبي
إنّو حبّك
إفي دمايا
بالأمل صبّرت قلبي
وعشت في دنيا الأماني
أهدهد الشوق بين ضلوعي
واترجم الآلام أغاني
تروي للناس سر عذابي
وتحكي ليهم ما شجاني
لا نفع دمعي السكبتو
ولا شفع عندك حناني
الغريب عن وطنو مهما
طال غيابو
مصيرو يرجع تاني لي
أهلو وصحابو
ينسى آلامو وشجونو
وينسى حرمانو وعذابو
إلّا قلبي
في هواك
طال اغترابو
إلّا قلبي
يا حبيبي
في هواك
طال اغترابو
وصلات ومراجع
- تسجيل إذاعي (فيما يبدو) على قناة الرشيد زكريّا
