إلى مسافرة
أغنية من كلمات عثمان خالد، ألحان [[]]، وغناء حمد الريّح.
كلمات الأغنية
يا قلبي يا مكتول كمد
أعصر دموع
هات غنوة لي سيد البلد
يا حليلو
حليلو قال سايب البلد
حليلو كيفن يبتعد
كيفن نسيبو يروح بعيد
في رحلة مجهولة الأمد
كلّ العمر
كان لحظة واحدة
نشوفو
والشوق يتّقد
نسكر نغيب
من لطفو
من دلّو الحبيب
من لونو
من كرز المغيب
الرامي محلوّ الثمر
في شفايفو زي ياقوت ندر
في شكلو زي نص القمر
مبتل مثير
مخلوق عشان أحلى الثغور
واشواقنا تتعطّر تطير
من نفحة .. من مجرى العبير
من لفتة .. من جيدو النضير
من لفظة .. من ثغرو المثير
الفيهو ريّان الثمر
بيهو القلوب كم تئتمر
لو مرّة سيد الناس أمر
بي نظرة .. بتذوّب حجر
بي بسمة .. بتطوّل عمر
حليلو قال ناوي السفر
كيف الوداع
لامن يحين وكت السفر؟
أهديك زهور؟
حاشاي وأنت ندى الزهر
أهديك حروف
يا أجمل أحرف في الدهر؟
أهديك حنان؟
ما قلبي عندك من زمان
وانا راجي عطفك منتظر
أهديك حروف
ما قالا زول
وما أظن يقولا براي بشر
أهديك عيوني
عشان استريح
الدنيا بعدك
ما بتسر
كلمات مغايرة
في التسجيلات القديمة توجد مقاطع سقطت في التسجيلات الأحدث
