علّمي عيوني السفر
من Sudanese Songs Library
أغنية من كلمات مدني النخلي، ألحان وغناء مصطفى سيد احمد.
كلمات الأغنية
علّمي عيوني السفر
ما البسافر في عيونك
- سكّتو بتبقى سلامة
ينسى أحزانو ويِعَرْف
- الدنيا جنبك .. ابتسامة
ظلّلي الناس بي حنانك
- وابقي ليهم ضل غمامة
الشقا اللازمني مدّة
يوم يفوت والفرحة تبدا
ما بقول فارقني عدّى
شان بخاف ترحل عيونك
- وتنهزم فيني الأماني
وبي أساهُ وبي شقاهُ
- تاني يتوشّح زماني
أصلو غير عينيك وحاتك
- مافي للأفراح معاني
جينا ليك شوق في عيونّا
- في عيونك شوق يناغم
الشجون باكر بترحل
- والزمن بصفى ويسالم
والحلم يصبح حقيقة
- وتنسجم بالحب ظروفو
والحنين تزهر غصونو
- والعشم دانيات قطوفو
شوفي كيف يوم بكرة عامل
- هاتي ايدك شان نشوفو
