الناسيانا

أغنية من كلمات [[]]، ألحان [[]]، وغناء محمّد حسنين.

كلمات الأغنية

الحبّيتا ديك جاهلة ما دارية

والناسيانا وجافيانا ما طارية

خلّوا الروح في الدموع

وخلّوا النار في الضلوع

لي عذّالنا واعدانا شمّتّو

يا ناس إنتو وين إنتو ما بنتو؟

ورّوا قلوبنا

وين إنتو

وليه غبتو

ما بنتو

كلّ الدنيا ولهانة بي ريدا

وحتّى الظبية غيرانة من جِيدا

حبّي ليهم ما رعوه

ودون إشفاق ودّعوه

لارواحنا واعمارنا ودّرتو

شفت الدنيا ضاحكالي في عيونا

وحتّى الفتنة ساجدالا مفتونة

كلّ ليلاً بي صباحو

وكلّ صدّاح بي نواحو

وانا غير ليلي ونوحي ما درتو

الجافين وناسين دوام لينا

خلّوا العبرة حيرانة في عينينا

شوقي ليهم ضوّا نار

حنّ جانا ولينا زار

لآلامنا واحزانّا شتّتو