ماضي الذكريات
أغنية من كلمات الجيلي محمد صالح، ألحان موسى محمد ابراهيم وغناء عثمان مصطفى.
كلمات الأغنية
رحت في حالك نسيتني
واعتبرت الماضي فات
لمّا إنت خلاص جفيتني
ليه بتحكي الذكريات؟
لمّا تحكي ذكرياتنا ..
كنت تحكيها بأمانة!
كيف بدت؟
كيف انتهت؟!
واتبدّدت قبّال أوانا
وكيف أمانينا الجميلة
حلّت الآهات مكانا
كفاية أشوفك بي خيالي
واستعيد أحلى الليالي
وابكي أيّامي الخوالي
وكلّ ماضي الذكريات
ذكرياتنا
مهما كانت
برضو ترديدا بيألّم
ليه تردّد ذكرياتنا
ويوم ألاقيك ما بتسلّم؟!
ليه بديت انت الفراق
وانت عارفو كيف بندِّم؟
رميتني في نيران صدودك
تاني ما بصدّق عهودك
أنا بحاول أنسى ريدك
وانسى ماضي الذكريات
كسرة
كنت دايما بعذرك
راضي بي حرمان شبابي
كنت راضي تدلّلك
برايَ بتحمّل صعابي
إلّا ما برضى التجاهل
لي شعوري ولي عذابي
تعال وبادلني الوداد
ولّا قاسمني السهاد
إنت لو راضي البعاد
ليه بتحكي الذكريات؟
وصلات ومراجع
- تسجيل تلفزيوني قديم على قناة ناصر الليندي، وفيه معلومة الشاعر والملحّن
- تسجيل إذاعي
- أداء حيدر بورتسودان على قناة محمّد صلاح العاقب
