«كل النجوم»: الفرق بين المراجعتين

المراجعة الحالية بتاريخ ١٥:٥٧، ٦ ديسمبر ٢٠١٩

أغنية من كلمات مدني النخلي، ألحان [[]]، وغناء السقيد.

كلمات الأغنية

فرحانة بيك كلّ النجوم

لا نام بريقا ولا انطفى

ما الريدة ياام قلبا ندي

زاد القلوب المرهفة

إن شا الله طول ما حبّي ليك

لا يطل حزن لا نشوف جفا

شوفيني كيف أنا ببقى بيك

سيد الفرح والريد براي

تشرق شموس زمن الهنا

يزهر شباب عمري وصباي

إن شا الله طول ما حبّي ليك

ما تنجرح عزّة هواي

بحلم معاك إنّه الحزن

غيمة وخلاص رحلت بعيد

وإنّو اللي باقي من السفر

من عمري كلّو بعيشو عيد

إن شا الله طول ما حبّي ليك

ما نشوف زمن قاسي وعنيد

جيتي ومعاك جاني الصباح

عمّ الفرح حزن الحروف

يا طيبة زي دفقة طمي

بالخير غشت تحت الجروف

إن شاء الله طول ما حبّي ليك

ما نلاقي يوم قسوة ظروف

كلمات مغايرة

أثناء الغناء تتنوّع "ما حبّي ليك" إلى "ما عمري ليك"، "ما فرحي بيك"، وهكذا.

وصلات ومراجع

• تسجيل تلفزيوني
• تسجيل كاسيت للبلابل على قناة الرشيد زكريّا