شدّولك ركب

أغنية من كلمات [[]]، ألحان [[]]، وغناء سيّد خليفة.

كلمات الأغنية

شدّولك ركب

فوق مهرك الجمّاح

ضرغام الرجال

الفارس الجحجاح

تمساح الدميرة

الما بكتلو سلاح

السم النقوع

الفي البدن نتّاح

يا عصار المفازة

الـ للعيون كتّاح

المال ما بهمّك

إن كِتِر وان راح

بطناً جابتك

والله ما بتندم

يا أسد الكداد

الفي خلاك رزم

يا رعد الخريف

الفي سماك دم دم

بابك ما انقفل

نارك تجيب اللم

وما بْتعزم تقول

غير: استريح حرّم

أبواتك قبيل

بحلّوا للعوجات

ومطمورتك تكيل

للخالة والعمّات

في الجود والكرم

ايديك دوام بارزات

يا اب قلبا حديد

في الحوبة ما بتنفات

عينيك يا الصقر

في الحارة ما بتنوم

صدرك للصعاب

دايما بعرف العوم

في وسط الفريق

للفارغة ما بتحوم

لا بتنلام ولا

بتعرف تجيب اللوم

ود ناساً عزاز

جمعوا المكارم كوم

تفخر بيك بنات

البادية والخرتوم