جاري

أغنية من كلمات [[]]، ألحان وغناء سيّد خليفة.

كلمات الأغنية

جاري وانا جارو

ومتين أزور دارو

بتمنّالو الجنّة

بتعذّب بي نارو

أقرب زول لقلبي

ضيّعني سمارو

تسلم لي عيونو

عاد يا الله صونو

تحفظ لي عفافو

جاري الما بخونو

لو زول جاب لي سيرتو

قلبي يذوب من غيرتو

حاسدينّي في جيرتو

بت يا حلوة يا سمحة

سارقة لون القمحة

أنا ضايع يا منايَ

مستنّي أجمل فرحة

يا حلوة نسيتي النوّر

أيامك زمن الطرحة

التوب سيبيهُ يهفهف

شعرك سيبيه يرفرف

حلاة الشعر السادل

في كتيفا موجو يصفصف

ولمّا الرقصة تسخّن

دوّر أوعى توقّف

قلبي العاش يهواكِ

ما قادر يتخلّى

يااْجمل بت في فريقنا

شوقي الزاد ما قلّ

يا ناس أنا ود الحلّة

عاشق وحياة الله

كلمات مغايرة

أحيانا "يا بت أنا ود الحلّة، عاشقك وحياة الله".

وصلات ومراجع

• تسجيل إذاعي على قناة الرشيد زكريّا
• تسجيل حفلة في أثيوبيا بحضور عدد من المطربين على قناة ناصر الليندي
• تسجيل منصفون على قناة الرشيد زكريّا